你問我點解今天o黎到呢度，其實我心中屈悶係無法去除
我住o係香港地o既某個角落，求活個溫飽安定暢快都算囉

點知Ｄ老細話要將Ｄ屋租加，仲話係在下日日佔佢o既便宜
佢話香港Ｄ樓價現已翻o左幾翻，若係呀富戶就要俾呢俾市價喎

你咪話把口呢大就當我霎贛，回望我本應係有木屋兼有田
某日你耍起官威搶奪我小天地，然後夾硬話係改善我生活質素
我仲識得老李佢住o係深水埔唐樓，佢日做又夜做為著屋租去酬謀
一朝Ｄ老細話要翻新這都市，焗住佢一家接受「中轉」o既安置

老弱o既街坊你就當佢無價值，遙遠去編配又或者係舊樓o既雀籠
好似阿球o既單身寡佬就更加折墮，完全係啦．．．啦．．．
啦．．．． 啦．．．．

作業o既黑箱手法無呀無公道，重建好Ｄ公屋又話係居屋要賣錢
攪到等候上樓o既街坊無晒著落，然後又指責富戶自私不合理
呀官呢講Ｄ乜記者就寫Ｄ乜，玩弄吓數字佢地化呀化神奇
遮掩Ｄ生活實況社區o既聲音，互助o既活力被漠視個個變o左個o林把

我以憤怒o既歌聲控訴這個制度，肥大o既官商不問我地o既居住權
希望我地草根街坊個個要出點力，齊集好聲音去指示政策新方向
港九新界我地合眾一班一班，戶外集會另立我地o既議事堂
草根o既意見直接高聲呼，互助又互勵行動志氣堅壯

呵．．．． 呵．．．．

點解我要o黎
曲、詞：凡人
4/1997