向係各中史考場派發64考卷既各位致敬~Rhapsody
今日係5月4號﹐係考中史會考既日子﹐之前見到高登有個POST講會有人係今日各個中史試場派發64試卷﹐當初以為係政黨既搞作﹐所以都不投期望。
但係今日我係喇沙書院考完中史之後﹐見到係門口有個大約2X歲既女仔派緊64考卷﹐佢一面望住考生出門口﹐一面向佢地派64考卷﹐當然睇既人數多﹐拎既人數少﹐我走向門口﹐向依位姐姐拎左一份﹐佢向我發出一個微笑﹐令我覺得佢真係有心想更多人認識64。
各位今日考中史既巴打絲打﹐唔知你地有無拎到64考卷呢？如果有﹐係拎既時候﹐有無見到派發考卷既人既笑容？
各位有份派64考卷既巴打絲打﹐唔知你地有無上高登既習慣﹐但係你地既努力﹐實在令人敬佩。 我向你地各位致敬。

早知早d上p-at-riot的網站,知有聖保羅書院份,我一定去派.好像曾德成當年(67)就是在校中派傳單被踢了出校.這樣子來見證和參與這可能是香港藝術今年最有意思的一擊,多好,真後悔(又是不夠主動).